Aizawl | July 10, 2025: ZPM Thalai chuan vawiin khan thuchhuah siamin, “Lok Sabha MP Richard Vanlalhmangaiha hmalakna hi kan chhuang hle,” an ti.

ZPM Thalai tarlan danin, “June 16, 2025 khan Mizoram Lok Sabha MP Richard Vanlalhmangaiha chuan Union Ministry of Tribal Affairs Secretary Vibhu Nayar chu kawmin, Mizoram a zirlaiten Scholarship chung changah harsatna an neihte a sawipui a, Central Ministry lamin pawisa an tum tur awm ang ang te a rang lama pe chhuak tura a ngenna an ngaihpawimawh sak avangin July 7, 2025 khan Ministry of Tribal Affairs-in Rs. 50,42,81,000 /- sanctioned order an chhuah a, Mizoram zirlaite tana Mizoram Lok Sabha Richard Vanlalhmangaiha hmalakna hi ZPM Ṭhalai an chhuang hle a ni,”

“Tun dinhmunah Central lamin Scholarship sum an rawn sanction hi Financial system thar hmang tawh tura an rawn tih avangin, Central Matching Share leh Mizoram State Matching Share te luh khawmna tur bik RBI Account siam thar a ngaih avangin RBI Regional Office, Guwahati leh RBI Headquarter, Mumbai lama document tih fel ngai te tifel turin Mizoram Scholarship Board in hma an la nghal a, Sholarship dawng tur ten a rang thei ang bera an dawn theih nan Mizoram Sawrkar leh Mizoram Scholarship Board in theih tawp an chhuak mek a ni tih ZPM Ṭhalai Headquarter’s chuan Zoram mipui te hriatah kan puangzar duh a ni,” an ti bawk.